uss ke takhayul ka raag

This is  so “special” that I wrote it in Urdu, a language that delivers straight from my heart.

har taraf shor hi shor hai, log bol rahay hain, waqt chal raha hai. ham falsafay ke jhartay drakht se girtay patay samet rahay hain. yun nahein ke sukoon nahein hai, ya kam hai. shesh jehat sukoon hi to hai. aisa sukoon, aur itna sukoon, ke zehmat bannay laga hai, dard denay laga hai. aur wo, joh qatra qatra mera maqsad-e-hayat ho chuki hai, meray paas to hai nahi, iss purtakaluf sukoon ko uss ke takhayul hi ka raag nachata rahta hai.

main to ussay janta bhi nahi. wo hai zuroor, mai ne uffaq kinaray ussay mehsoos kya hai. par wo aati hi nahi. wo darti to nahi? wo kyun darti hai? main ussay kaisay bataon mein to uss ko sirf sunna chahta hun, uss se kehna chahta hun. uss ke saath beth ke inn taareek aansuon mein ulajhna chahta hun. daastan-e-safar ke qissay cherna chahta hun. sadyon ke chupay raaz uss kay fahem mein sajana chahta hun.

ussay choo liya to main rakh ho jaon.

main to sirf uss ke wajood ki parchayi mei sona chahta hun.

Advertisements

9 Comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s